Canllawiau

Gwirio a yw neges destun a gawsoch gan CThEF yn ddilys

Gwiriwch restr o negeseuon testun diweddar gan CThEF i’ch helpu i benderfynu a yw neges destun rydych wedi’i chael yn sgam.

Gan:
Cyllid a Thollau EF
Cyhoeddwyd
30 Gorffennaf 2021
Diweddarwyd ddiwethaf
25 Mawrth 2025 — Gweld pob diweddariad

Os nad yw’ch neges destun wedi’i rhestru yma, gwiriwch yr ohebiaeth gan CThEF sy’n defnyddio mwy nag un dull o gyfathrebu.

Rhoi gwybod i CThEF am alwadau ffôn, e-byst neu negeseuon testun amheus (yn agor tudalen Saesneg).

Negeseuon wedi’u brandio

Mae’n bosibl y bydd CThEF yn anfon negeseuon testun at rai o’n cwsmeriaid. Bydd y rhain yn edrych yn wahanol i’n negeseuon testun safonol.

Bydd y negeseuon hyn sydd wedi’u brandio yn:

  • dangos Cyllid a Thollau EF fel yr anfonwr
  • cynnwys logo CThEF
  • cynnwys gwybodaeth am yr anfonwr sydd wedi’i ddilysu

Dylech hefyd ddarllen ein harweiniad ar sut i adnabod cyswllt amheus.

Os nad yw’ch dyfais yn un sy’n cydweddu i dderbyn neges Gwasanaethau Cyfathrebu Cyfoethog (RCS), bydd y neges wedi’i brandio yn ymddangos fel neges destun safonol.

Cysylltiadau mewn negeseuon testun

Mae CThEF yn anfon negeseuon testun at rai o’n cwsmeriaid.

Yn y neges destun, efallai y byddwn yn cynnwys cysylltiad i wybodaeth ar GOV.UK neu i wasanaeth sgwrs dros y we CThEF.

Ni fydd CThEF byth yn gofyn am wybodaeth bersonol nac ariannol wrth anfon negeseuon testun atoch.

Rydym yn eich cynghori i beidio ag agor unrhyw gysylltiadau, nac ymateb i unrhyw negeseuon testun, sy’n honni eu bod oddi wrth CThEF, ac sy’n cynnig ad-daliad treth yn gyfnewid am fanylion personol neu ariannol.

Er mwyn helpu gyda’r frwydr yn erbyn sgamiau gwe-rwydo, dylech anfon unrhyw negeseuon testun amheus i 60599 (costau rhwydwaith yn berthnasol) neu drwy e-bost: phishing@hmrc.gov.uk neu gwasanaeth.cymraeg@hmrc.gov.uk ac yna dilëwch y negeseuon testun hynny.

Budd-dal Plant

Mae’n bosibl y bydd CThEF yn cysylltu â chi drwy neges destun er mwyn cadarnhau’r canlynol:

  • bod eich hawliad am Fudd-dal Plant wedi dod i’n llaw

  • eich bod wedi optio mewn neu optio allan o gael taliadau Budd-dal Plant yn llwyddiannus

  • newid i’ch cyfrif

  • bod hawliad wedi bod yn llwyddiannus

Negeseuon testun i gadarnhau a diweddaru

Mae’n bosibl y bydd CThEF yn cysylltu â chi drwy neges destun i gadarnhau ein bod wedi cael y canlynol oddi wrthych:

  • hawliad

  • ffurflen

  • gohebiaeth arall

Gwaith Ymchwil o ran Pensiynau

O 6 Chwefror 2025 hyd at a chan gynnwys 28 Mawrth 2025, efallai y bydd yr asiantaeth ymchwil annibynnol, People for Research yn cysylltu â chi drwy neges destun.

Mae CThEF yn cydweithio â People for Research er mwyn ymgyfarwyddo yn well â phrofiadau cwsmeriaid o gael pensiwn. 

Bydd y gwaith ymchwil hwn yn helpu i lywio’r dyluniad a’r gefnogaeth sydd yn cael ei gynnig gan wasanaethau CThEF i bobl sy’n cael pensiwn. 

Mae’n bosibl y bydd People for Research yn cysylltu â chi drwy neges destun yn gofyn i chi gymryd rhan mewn cyfweliad 60-munud o hyd, un ai ar-lein, dros y ffôn, neu’n bersonol ym Manceinion. 

Mae cymryd rhan yn wirfoddol. Bydd unrhyw wybodaeth a roddir gennych: 

  • yn gyfrinachol 

  • yn cael ei defnyddio at ddibenion ymchwil yn unig 

  • yn cael ei chadw’n ddiogel bob amser yn unol â chyfraith diogelu data

Ad-daliadau Treth Hunanasesiad

Mae’n bosibl y bydd CThEF yn anfon neges destun atoch os byddwch yn gofyn am ad-daliad treth hunanasesiad.

Bydd y neges destun yn cadarnhau’r canlynol:

  • bod eich ad-daliad treth yn cael ei brosesu
  • pryd y gallwch ddisgwyl ei gael

Ni fydd y neges testun yn gwneud y canlynol:

  • gofyn i chi am wybodaeth bersonol nac ariannol
  • cynnwys unrhyw gysylltiadau i wefannau

Arolwg yn dilyn galwad i CThEF neu wiriad cydymffurfio

Mae’n bosibl y bydd CThEF yn anfon arolwg atoch ar ôl gadael drwy neges destun os ydych wedi gwneud y canlynol:

  • cytuno i roi adborth ar ôl ffonio un o’n canolfannau cyswllt

  • mynd drwy wiriad cydymffurfio

Ni fydd y neges destun hon yn:

  • gofyn am wybodaeth bersonol nac ariannol

  • cynnwys unrhyw rifau ffôn

  • darparu cysylltiadau i wefannau ar wahân i blatfform yr arolwg

Credydau treth

Efallai y bydd CThEF yn cysylltu â chi drwy neges destun i gadarnhau eich cyfweliadau ynghylch hawliadau credyd treth, ac i’ch atgoffa amdanynt.

Mae’n bosibl y byddwn hefyd yn cysylltu â chi drwy neges destun i ofyn i chi ffonio Gwasanaeth Cwsmeriaid Cymraeg CThEF i drafod eich hawliad.

Ni fydd y negeseuon testun hyn yn:

  • gofyn am wybodaeth bersonol nac ariannol

  • cynnwys unrhyw gysylltiadau i wefannau

Negeseuon testun eraill y dylech eu gwirio

Gallwch hefyd wirio’r negeseuon testun a restrir ar y dudalen gohebiaeth CThEF sy’n defnyddio mwy nag un dull o gyfathrebu.

Updates to this page

Cyhoeddwyd ar 30 Gorffennaf 2021
Diweddarwyd ddiwethaf ar 25 Mawrth 2025 show all updates

  1. Information about Self Assessment tax refunds has been added.

  2. Information on pension research has been added.

  3. Information about HMRC branded text messages has been added.

  4. Information has been added about National Minimum Wage — workers entitlement messages.

  5. Information has been added about Child Benefit messages.

  6. Information for Cost of Living Payments has been updated.

  7. Information has been added about Cost of Living Payments for tax credits customers.

  8. Added translation

  9. Added translation

  10. Information about when HMRC might send you a text message has been updated.

  11. Information has been added about Self Assessment tax checks.

  12. Information on 'Online sales' has been added. Information on 'Tax credits' has been updated to no longer say we will no longer ask you to call the tax credit helpline.

  13. Added translation

  14. Information about when HMRC might send you a text message if you call one of our helplines from a mobile phone, and what it might include has been added.

  15. Information on tax credits has been updated.

  16. Information on commercial drivers and online status checks has been added.

  17. Information about Child Benefit has been added.

  18. Information about tax credit renewals and Child Benefit has been added.

  19. Information about commercial drivers and online status checks has been added.

  20. HMRC appointment reminders section has been added.

  21. Added information on EU Settlement Scheme.

  22. Information on 'Post Office card accounts' and 'Self Assessment tax returns' has been added.

  23. Information about EU Settlement Scheme has been added.

  24. Added translation

  25. We have added that we may text you to ask if you've told us about a change of circumstances for a young person on your tax credit claim.

  26. Updated to show HMRC is using a new number to send text messages to customers.

  27. Added translation

Argraffu'r dudalen hon

Cynnwys

Cynnwys cysylltiedig