Canslo benthyciad yn rhannol yng Nghymru
Gallai myfyrwyr llawn-amser sydd wedi cymryd Benthyciad Cynhaliaeth gan Cyllid Myfyrwyr Cymru ganslo hyd at £1,500.
I fod yn gymwys ar gyfer y cynllun hwn a gynigir gan Lywodraeth Cymru:
- rhaid eich bod wedi bod yn fyfyriwr llawn-amser
- rhaid eich bod wedi cymryd Benthyciad Cynhaliaeth gan Cyllid Myfyrwyr Cymru ers blwyddyn academaidd 2010/11
- rhaid eich bod wedi dechrau ad-dalu neu’ch bod wedi gwneud ad-daliad gwirfoddol
Faint o’r Benthyciad Cynhaliaeth fydd yn cael ei ganslo
Pan fyddwch yn dechrau ad-dalu eich benthyciad myfyrwyr, gallai Llywodraeth Cymru ddileu hyd at £1,500 o unrhyw falans Benthyciad Cynhaliaeth ar gyfer myfyriwr llawn-amser. Os byddwch yn cymryd benthyciad yn ystod mwy nag un flwyddyn academaidd, dim ond i’r Benthyciad Cynhaliaeth cyntaf a gymerwyd gennych y bydd y cynllun dileu’n berthnasol. Bydd y swm a gaiff ei ddileu’n dibynnu ar swm eich ad-daliad cyntaf. Gallwch gael gwybod mwy ar www.llyw.cymru/cyllid-myfyrwyr-y-cynllun-dileu-rhannol.
Os yw eich incwm ar hyn o bryd yn rhy isel i chi fod yn ad-dalu, byddwch yn dal yn gallu canslo rhan o’ch Benthyciad Cynhaliaeth os byddwch yn dechrau ad-dalu yn y dyfodol.
Dim ond unwaith y gallwch fanteisio ar y cynllun i ganslo benthyciad. Ni allwch fanteisio arno os oes gennych unrhyw daliadau, costau, treuliau neu gosbau sydd heb eu talu yng nghyswllt eich benthyciad, neu os ydych yn gweithredu’n groes i gytundeb eich benthyciad.
Nid oes rhaid i chi fod yn gwneud ad-daliadau trwy eich cyflog i fod yn gymwys ar gyfer y canslo o £1,500, gallwch wneud ad-daliad gwirfoddol o £5 i’w actifadu.
Enghreifftiau
Unwaith y byddwch wedi gorffen neu adael eich cwrs, bydd y swm gaiff ei ganslo yn dibynnu ar:
- faint sydd wedi ei ad-dalu
- y balans ar ôl i’r ad-daliad gael ei wneud
| Balans Benthyciad Cynhaliaeth Cyntaf | Swm yr ad-daliad cyntaf | Balans sy’n weddill | Swm a ganslwyd |
|---|---|---|---|
| £200 | £200 | £0 | £0 |
| £1,000 | £5 | £995 | £995 |
| £3,000 | £1,000 | £2,000 | £1,500 |
Updates to this page
-
Examples have been updated
-
Updates have been made to explain how repayments are allocated to a customer's student loans, and how those repayments can trigger the Welsh partial cancellation policy.
-
Bulletpoint updated to include 'made a voluntary repayment'
-
Content has been updated to include more in-depth guidance about the Welsh Partial Cancellation Policy.
-
Added translation