Treth cerbyd ar gyfer cerbydau trydan, di-allyriadau ac allyriadau isel
Sut mae'r newidiadau treth cerbyd (VED) yn effeithio ar eich cerbyd.
Mae ceir, faniau a beiciau modur trydan, di-allyriadau ac allyriadau isel bellach yn ddarostyngedig i’r cyfraddau treth cerbyd a gyflwynwyd ar 1 Ebrill 2025.
Mae’r newid hwn yn berthnasol i gerbydau newydd a phresennol. Mae’r swm y bydd angen ichi ei dalu yn dibynnu ar y math o gerbyd a phryd y cafodd ei gofrestru.
Sut mae’r newidiadau yn effeithio ar eich cerbyd
Ceir trydan, di-allyriadau ac allyriadau isel a gofrestrwyd ar neu ar ôl 1 Ebrill 2025
Bydd angen ichi dalu’r gyfradd blwyddyn gyntaf isaf o dreth cerbyd wedi’i gosod ar £10 o 1 Ebrill 2025. O’r ail daliad treth ymlaen, byddwch yn talu’r gyfradd safonol o £195.
Ceir trydan, di-allyriadau ac allyriadau isel a gofrestrwyd rhwng 1 Ebrill 2017 ac 31 Mawrth 2025
Byddwch yn talu’r gyfradd safonol o £195.
Ceir trydan, di-allyriadau ac allyriadau isel a gofrestrwyd rhwng 1 Mawrth 2001 ac 31 Mawrth 2017
Y gyfradd dreth ar gyfer y cerbydau hyn yw £20.
Cerbydau hybrid a cherbydau a daniwyd mewn ffordd amgen (AFVs)
Mae’r gostyngiad blynyddol o £10 ar gyfer cerbydau hybrid ac AFVs wedi cael ei ddileu. Mae’r gyfradd rydych yn ei thalu yn dibynnu ar bryd y cofrestrwyd y cerbyd am y tro cyntaf. Os cofrestrwyd y cerbyd:
-
cyn 1 Ebrill 2017 - bydd y gyfradd hon yn dibynnu ar allyriadau CO2 y cerbyd (gwiriwch y cyfraddau presennol ar gyfer y cerbydau hyn)
-
ar neu ar ôl 1 Ebrill 2017 - byddwch yn talu’r gyfradd safonol (£195)
Faniau trydan
Mae’r rhan fwyaf o faniau trydan wedi symud i’r gyfradd flynyddol safonol ar gyfer cerbydau nwyddau ysgafn. Gwiriwch y cyfraddau ar gyfer y cerbydau hyn.
Beiciau modur trydan
Mae beiciau modur trydan a beiciau tair olwyn trydan wedi symud i’r gyfradd flynyddol ar gyfer maint lleiaf yr injan. Gwiriwch y cyfraddau ar gyfer y cerbydau hyn.
Cyfradd ychwanegol (atodiad ceir drud)
Mae cerbydau trydan a di-allyriadau newydd a gofrestrwyd ar neu ar ôl 1 Ebrill 2025 gyda phris catalog sy’n fwy na £40,000 yn dwyn y gyfradd safonol, ynghyd â’r atodiad ceir drud am y 5 mlynedd gyntaf o ddechrau’r ail drwydded.
Updates to this page
-
Updated information for electric, zero and low emission cars, vans and motorcycles in line with the latest vehicle tax rates.
-
Updated vehicle tax information for electric, zero or low emission vehicles
-
The page has been updated to improve legibility following user feedback.
-
Added translation