Cofrestru ystâd eich cleient
Cofrestrwch ystâd eich cleient ar-lein os ydych yn asiant neu’n ymgynghorydd treth.
Pwy ddylai gofrestru
Dim ond os bydd unrhyw un o’r canlynol yn berthnasol y mae angen i chi gofrestru ystâd eich cleient:
- mae gwerth yr ystâd dros £2.5 miliwn
- mae gwerth asedion a werthir gan y cynrychiolydd personol mewn unrhyw un flwyddyn dreth dros £500,000
- mae cyfanswm y dreth sy’n ddyledus dros £10,000
Pwy na ddylai gofrestru
Nid oes angen i chi gofrestru nac anfon Ffurflen Dreth os nad oes gan ystâd incwm trethadwy nac enillion trethadwy, cyn belled nad oes angen i chi wneud hawliad am ryddhad na dewis.
Mae hyn yn cynnwys pan nad oes gennych enillion trethadwy neu hawliadau oherwydd eich bod wedi eu hadrodd ar ffurflen Treth Enillion Cyfalaf ar eiddo yn y DU cyn pen 60 diwrnod i’w gwaredu.
Hyd at 5 Ebrill 2024, os mai llog o gyfrif banc oedd yr unig incwm a gafodd yr ystâd yn ystod y cyfnod gweinyddu, a hynny’n llai na £500, nid oes rhaid rhoi gwybod i CThEF am incwm yr ystâd.
O 6 Ebrill 2024 ymlaen, os bydd gan ystâd unrhyw fath o incwm hyd at £500, ni fydd angen talu Treth Incwm ar yr incwm hwnnw wrth iddo godi. Os bydd yr incwm yn mynd heibio i’r trothwy hwnnw, bydd treth yn daladwy ar y swm llawn.
Bydd y swm sy’n rhydd o dreth, sef £500, yn berthnasol i’r canlynol:
- pob blwyddyn dreth sy’n rhan o’r cyfnod gweinyddu
- pob math o incwm, ar ôl didynnu incwm o Gyfrifon Cynilo Unigol (ISAs) gan ei fod yn dal i fod yn esempt ar ôl i berson farw hyd nes bod y cyfrif yn cau, neu hyd at 3 blynedd wedi’r farwolaeth
Os yw’r incwm yn fwy na’r swm sy’n rhydd o dreth mewn unrhyw flwyddyn dreth, ac nad ydych yn bodloni’r rheolau i gofrestru, dylech ddefnyddio’r trefniadau talu anffurfiol.
Pryd i gofrestru
Cofrestrwch yr ystâd gyda CThEF i gael Cyfeirnod Unigryw y Trethdalwr (UTR) erbyn 5 Hydref ar ôl y flwyddyn dreth pan fydd yr ystâd yn dechrau cael incwm neu pan fydd ganddi enillion trethadwy y mae treth yn daladwy arnynt.
Yr hyn sydd ei angen arnoch
Gwybodaeth am yr ystâd
Bydd angen y canlynol arnoch:
- enw’r ystâd, er enghraifft ystâd Dafydd Jones a fu farw
- cyfeiriad a rhif ffôn yr ystâd (dyma fydd cyfeiriad a rhif ffôn y cynrychiolydd personol)
- y dyddiad y daeth y cyfnod gweinyddu i ben, os yw’n berthnasol
Cynrychiolydd personol
Bydd angen y manylion canlynol arnoch ar gyfer y person:
- enw
- cyfeiriad
- dyddiad geni
- rhif Yswiriant Gwladol neu rif y pasbort a’r dyddiad dod i ben
- rhif ffôn
- cyfeiriad e-bost
Manylion ynghylch y person sydd wedi marw
Bydd angen y manylion canlynol arnoch ar gyfer yr ymadawedig:
- enw
- cyfeiriad hysbys diwethaf
- dyddiad geni
- dyddiad y farwolaeth
- rhif Yswiriant Gwladol (os yw ar gael)
Blynyddoedd o rwymedigaeth treth
Mae angen i chi ddewis y blynyddoedd treth y mae angen i’r ystâd ddatgan rhwymedigaeth i Dreth Incwm a Threth Enillion Cyfalaf ar eu cyfer.
Sut i gofrestru
I gofrestru ystâd, mae angen i chi fod â chyfrif gwasanaethau asiant. Os oes gennych un eisoes, mae angen y Dynodydd Defnyddiwr (ID) a’r cyfrinair ar gyfer Porth y Llywodraeth a grëwyd gennych pan wnaethoch sefydlu’r cyfrif.
Os nad oes gennych Ddynodydd Defnyddiwr (ID) ar gyfer Porth y Llywodraeth, gallwch greu un y tro cyntaf i chi gofrestru ystâd. Bydd angen y canlynol arnoch:
- cyfeirnod Unigryw y Trethdalwr neu gyfeirnod Treth Gorfforaeth eich asiantaeth
- y cod post sy’n gysylltiedig â’r cyfeirnod hwnnw
- bydd angen i chi fod wedi defnyddio gwasanaethau ar-lein CThEF ar gyfer asiantau (yn agor tudalen Saesneg)
Rhaid i chi fod y person sy’n gyfrifol am faterion treth neu weinyddol eich cwmni asiant. Pan fyddwch wedi sefydlu cyfrif gwasanaethau asiant, gallwch ychwanegu gweinyddwyr a chynorthwywyr cyn cofrestru ystâd.
Argaeledd y gwasanaeth
Gall gwasanaethau CThEF fod yn araf yn ystod adegau prysur. Gwiriwch a oes problemau gyda’r gwasanaeth hwn (yn agor tudalen Saesneg).
Ar ôl i chi gofrestru
Bydd CThEF yn anfon UTR yr ystâd at y cynrychiolydd personol, fel arfer cyn pen 15 diwrnod gwaith. Bydd angen UTR yr ystâd arnoch i ddechrau cyflwyno Ffurflenni Treth Hunanasesiad. Gallwch wneud hyn drwy naill ai:
- defnyddio meddalwedd fasnachol Hunanasesiad (yn agor tudalen Saesneg) i’w hanfon yn electronig erbyn 31 Ionawr
- llenwi ffurflen bapur SA900 (yn agor tudalen Saesneg) a’i phostio i CThEF erbyn 31 Hydref (3 mis yn gynharach)
Nid yw cofrestru ystâd eich cleient yn rhoi awdurdod i chi weithredu ar ei ran. Mae angen awdurdod ar CThEF drwy ddefnyddio ffurflen 64-8 i gyfathrebu â chyfrifydd, asiant treth neu ymgynghorydd sy’n gweithredu ar ran cynrychiolydd personol.
Updates to this page
-
Information has been added on chargeable gains and claims when you have reported them on a Capital Gains Tax on UK Property return.
-
This guide has been updated to show circumstances when you should not register your client's estate.
-
The informal payments arrangements process has been updated.
-
Welsh translation has been added.
-
This guide has been updated to show circumstances when you should not register your client's estate.
-
The guide has been updated to give more clarification on who should register and who should not register.
-
The 'How to register' section has been updated to include more detail on creating an agent services account.
-
Updated content to make clear what you need to register for an agent services account.
-
The guidance has been updated to explain more about how to register an estate, and that you need an agent services account before being able to register.
-
First published.