Hawlio ad-daliad os ydych wedi talu treth ar eich cynilion a’ch buddsoddiadau
Os yw Treth Incwm wedi’i thynnu o’ch cynilion a’ch buddsoddiadau, gallwch ddefnyddio ffurflen R40 i gael ad-daliad.
Gallwch hawlio ad-daliad treth gan ddefnyddio’r ffurflen hon os yw’ch:
- incwm gros o gynilion a buddsoddiadau yn £10,000 neu lai
- incwm gros o dir ac eiddo yn £10,000 neu lai
- incwm net o dir ac eiddo yn £2,500 neu lai
- incwm o ddifidendau tramor o fewn y lwfans difidend y flwyddyn hon
Peidiwch â defnyddio’r ffurflen hon i hawlio’n ôl treth os:
- oedd eich incwm yn uwch na’r terfynau hyn neu rydych chi wedi cofrestru ar gyfer Hunanasesiad — mae’n rhaid i chi gwblhau Ffurflen Dreth
- ydych yn byw y tu allan i’r DU — mae ffurflen wahanol i hawlio lwfansau personol ac ad-daliadau treth os ydych yn byw dramor (yn agor tudalen Saesneg)
Cyn i chi ddechrau
Gallwch wneud hawliad am y flwyddyn dreth bresennol a’r 4 blynedd flaenorol. Mae angen i chi gyflwyno cais ar wahân ar gyfer pob blwyddyn dreth.
Bydd angen i chi roi manylion o’ch incwm o’r canlynol:
- cyflogaeth, pensiynau a budd-daliadau’r wladwriaeth
- llog a difidendau
- ymddiriedolaethau, setliadau ac ystadau
- tir ac eiddo
- ffynonellau tramor
I ddod o hyd i’r wybodaeth hon, gwiriwch y canlynol:
- eich P60 neu P45
- cyfriflenni banc a chymdeithas adeiladu
- llythyrau rydych wedi’u cael gan yr Adran Gwaith a Phensiynau
- datganiadau incwm o ymddiriedolaethau ac ystadau
- talebau difidend
Hawlio ad-daliad o dreth a ddidynnwyd o’r llog
I gael ad-daliad o dreth a ddidynnwyd o log, mae angen i chi roi tystiolaeth o’r dreth rydych wedi’i thalu.
Anfonwch ddogfen atom gan y cwmni a wnaeth eich talu sy’n dangos y canlynol:
- llog gros
- treth a ddidynnwyd o’r llog
- llog net
Os nad yw hon gennych, gallwch ofyn am gael y ddogfen gan y cwmni a wnaeth eich talu chi.
Mae’n rhaid i chi anfon y ddogfen drwy’r post, at:
Talu Wrth Ennill
Gwasanaeth Cwsmeriaid Cymraeg CThEF
HMRC
BX9 1ST
Y Deyrnas Unedig
Os yw’ch hawliad ar gyfer unrhyw fath arall o ad-daliad, peidiwch ag anfon tystiolaeth atom. Byddwn yn cysylltu â chi os oes angen unrhyw beth arnom.
Gwneud hawliad ar ran rhywun arall
Mae’n rhaid i chi wneud hawliad drwy’r post i wneud hawliad ar ran rhywun arall. Dechreuwch eich hawliad ar-lein a byddwch yn cael cysylltiad i’r ffurflen bost.
Llenwch y ffurflen gyda’i fanylion a llofnodwch eich enw eich hun yn y datganiad.
Os ydych am i’r ad-daliad gael ei dalu i chi, darganfyddwch sut i gael ad-daliadau treth ar ran eraill (yn agor tudalen Saesneg).
Cyflwyno’ch hawliad
Casglwch eich holl wybodaeth at ei gilydd cyn i chi ddechrau.
Ar ôl i chi wneud cais
Byddwn yn cysylltu â chi unwaith y byddwn wedi prosesu eich hawliad — gwiriwch bryd y gallwch ddisgwyl ateb.
Byddwn yn rhoi gwybod i chi a oes gennych hawl i gael ad-daliad. Os ydych, byddwn yn rhoi gwybod i chi sut y bydd yn cael ei dalu.
Updates to this page
-
The R40 notes document within the online tool has been updated.
-
Guidance for Payment Protection Insurance (PPI) claims has been removed, and replaced with guidance for claiming back tax deducted from interest.
-
Interactive guidance has been added to replace the existing PDF version of the R40 form and the associated notes.
-
The R40 notes have been updated.
-
Information has been added to confirm the details that must be provided to claim tax back on interest paid on a Payment Protection Insurance (PPI) claim. An updated R40 form, and information on what to do when claiming on behalf of someone else from 30 April 2024 has been added.
-
Added Welsh translation.
-
Information about Payment Protection Insurance (PPI) claims has been added. HMRC will accept digital signatures on the R40 print and post form.
-
We have updated the link to form R43.
-
Added translation
-
First published.