Gofyn i Swyddfa’r Dyfarnwr adolygu penderfyniad ynghylch Windrush
Pryd a sut i gysylltu â ni ynghylch penderfyniad a wnaed o dan Gynllun Iawndal Windrush neu gwyno am sut y deliodd y Swyddfa Gartref â hawliad am iawndal.
Gwasanaethau Swyddfa’r Dyfarnwr
Bydd Swyddfa’r Dyfarnwr yn cynnal adolygiad annibynnol o benderfyniadau’r Swyddfa Gartref a wnaed o dan y Cynllun Iawndal Windrush ar:
- hawl i iawndal
Ar ben hynny, bydd Swyddfa’r Dyfarnwr yn:
- ymchwilio i gŵynion ynghylch sut y gwnaeth y Swyddfa Gartref ddelio â hawliad am iawndal
Adolygiad Swyddfa’r Dyfarnwr
Dim ond os mai chi yw’r hawliwr, cynrychiolydd awdurdodedig neu gynrychiolydd cyfreithiol ystâd person ymadawedig y gall Swyddfa’r Dyfarnwr ystyried eich cais.
Mae’n rhaid i chi fod wedi cwblhau pob cam o broses adolygu mewnol y Swyddfa Gartref ei hun cyn y gall Swyddfa’r Dyfarnwr edrych ar eich cais.
Gallwn edrych ar eich cais os:
-
ydych wedi cael adolygiad mewnol gan y Swyddfa Gartref o’i phenderfyniad ynghylch eich hawl i iawndal
-
yw eich cwyn wedi cwblhau pob cam o broses gwyno’r Swyddfa Gartref
Fel arfer, dim ond hyd at 2 fis ar ôl i’r Swyddfa Gartref anfon atoch ei phenderfyniad ar sail adolygiad neu gŵyn y gall Swyddfa’r Dyfarnwr dderbyn eich cais.
Os yw’ch cwyn ar ôl y cyfnod o 2 fis, rhowch wybod i ni pam ac efallai y byddwn yn ei derbyn o dan amgylchiadau eithriadol.
Yr hyn y gall Swyddfa’r Dyfarnwr edrych arno
Mae Cytundeb Lefel Gwasanaeth Swyddfa’r Dyfarnwr â’r Swyddfa Gartref yn esbonio beth y gallwn edrych arno. Gallwn edrych ar geisiadau am adolygiad neu gŵynion am:
- Camgymeriadau
- Oedi afresymol
- Cyngor gwael neu gamarweiniol
- Prosesau
- P’un a ddilynwyd canllawiau perthnasol
- Ymddygiad amhriodol gan staff
- Defnyddio disgresiwn
Yr hyn na all Swyddfa’r Dyfarnwr edrych arno
Ni all Swyddfa’r Dyfarnwr edrych ar y canlynol:
- Penderfyniadau ar gymhwystra i hawlio iawndal o dan y Cynllun Iawndal Windrush
- Penderfyniadau yn ymwneud â’r Cynllun Iawndal Windrush a wnaed gan yr Adran Gwaith a Phensiynau, CThEM, unrhyw gorff perthnasol yn y Gwasanaeth Iechyd Gwladol neu’r Asiantaeth Trwyddedu Gyrwyr a Cherbydau
- Polisi’r llywodraeth, polisi adrannol neu bolisi cynllun iawndal
- Materion yn deillio o gontract masnachol neu gyflogaeth rhwng cwsmer a’r Swyddfa Gartref
- Materion yn deillio o gontract masnachol rhwng darparwr gwasanaethau a’r Swyddfa Gartref
- Rôl a gweithgarwch y Darparwr Cymorth Hawliadau
- Materion sydd wedi cael eu hystyried gan lys neu dribiwnlys annibynnol neu faterion y gallent fod wedi’u hystyried neu y gallent eu hystyried
- Materion y mae Ombwdsmon y Senedd a’r Gwasanaeth Iechyd wedi ymchwilio iddynt, wrthi’n ymchwilio iddynt neu y dylai ymchwilio iddynt
- Gweithrediad arferion a gweithdrefnau disgyblu staff y Swyddfa Gartref, neu benderfyniadau a wnaed oddi tanynt
- Y ffordd y deliwyd â cheisiadau o dan Ddeddf Rhyddid Gwybodaeth 2000 a Deddf Diogelu Data 2018
- Materion sy’n dod o dan gylch gwaith Swyddfa Annibynnol Ymddygiad yr Heddlu neu Gomisiwn Cwynion yr Heddlu dros yr Alban. Ni all Swyddfa’r Dyfarnwr edrych ar unrhyw daliad a wnaed, neu achosion o wrthod gwneud taliad, gan yr Heddlu.
Sut i ofyn am adolygiad neu gwyno
Sut i ofyn am adolygiad neu gwyno, defnyddiwch ein ffurflen ar-lein.
Os oes angen unrhyw help neu addasiad rhesymol arnoch wrth ddelio â ni, rhowch wybod i ni.
Os na allwch ddefnyddio’r ffurflen ar-lein
Os na allwch ddefnyddio’r ffurflen ar-lein, gallwch anfon eich cais drwy’r post.
Cwyno am wasanaeth neu benderfyniad Swyddfa’r Dyfarnwr
Mae gwybodaeth am sut i gwyno am wasanaeth neu benderfyniad Swyddfa’r Dyfarnwr ar gael.
Updates to this page
-
Added translation
-
Added Welsh translation
-
First published.