Adroddiad corfforaethol

Siart sefydliadol CThEF

Diweddarwyd 7 Ebrill 2025

Ysgrifenyddion Parhaol

Syr Jim Harra KCB – Prif Weithredwr, Prif Ysgrifennydd Parhaol a Swyddog Cyfrifyddu

Angela MacDonald – Dirprwy Brif Weithredwr, Ail Ysgrifennydd Parhaol

Y Pwyllgor Gweithredol

Pwyllgor Gweithredol CThEF yw prif fforwm gweithredol yr adran. Mae’n goruchwylio ac yn sicrhau ansawdd holl waith CThEF, ac mae’n gyfrifol am osod a chyflwyno strategaeth. Rhagor o wybodaeth am y Pwyllgor Gweithredol.

Myrtle Lloyd – Cyfarwyddwr Cyffredinol Gwasanaethau i Gwsmeriaid (Hyrwyddwr Llesiant)

Penny Ciniewicz – Cyfarwyddwr Cyffredinol Cydymffurfiad Cwsmeriaid (Hyrwyddwr Hil)

Jonathan Athow – Cyfarwyddwr Cyffredinol Strategaeth a Chynllunio Treth ar gyfer Cwsmeriaid (Hyrwyddwr Symudedd Cymdeithasol)

Justin Holliday – Prif Swyddog Cyllid, Comisiynydd Sicrwydd Treth (Hyrwyddwr Crefydd neu Gred)

Daljit Rehal – grŵp y Prif Swyddog Digidol a Gwybodaeth (CDIO) (Hyrwyddwr Hygyrchedd)

Alan Evans – Cwnsler Cyffredinol a Chyfarwyddwr Cyffredinol, Grŵp Cyfreithiol CThEF (Hyrwyddwr LHDT+)

Helen Pickles – Prif Swyddog Pobl

Carol Bristow – Cyfarwyddwr Cyffredinol Ffiniau a Masnach

Suzanne Newton – Cyfarwyddwr Cyffredinol y grŵp Cyflawni Newid (Hyrwyddwr Gofalwyr)

James Mitton – Cyfarwyddwr Cyffredinol dros y grŵp Trawsnewid Mentrau

Andrew Pemberton – Cyfarwyddwr Arweiniad a Gohebiaeth (Hyrwyddwr Cynaliadwyedd)

Jonathan Russell CB – Prif Weithredwr, Asiantaeth y Swyddfa Brisio

Lucy Pink – Cyfarwyddwr Strategaethau CThEF

Aelodau Anweithredol CThEF

Mae ein Cyfarwyddwyr Anweithredol yn cynnig safbwynt allanol i’r sefydliad ac yn defnyddio’u sgiliau a’u profiadau i gynghori’r adran.

Aelodau anweithredol y Bwrdd

Y Fonesig Jayne-Anne Gadhia (Arweinydd Anweithredol)

Michael Hearty (aelod anweithredol o’r Bwrdd gyda chyfrifoldeb dros yr Undeb)

Paul Morton

Patricia Gallan

Jen Tippin

Bill Dodwell

Mike Bracken

Grŵp Gwasanaeth i Gwsmeriaid

Cyfarwyddwr Cyffredinol: Myrtle Lloyd

Yn helpu cwsmeriaid i dalu’r swm cywir o dreth, i gael y budd-daliadau cywir, ac yn helpu’r rhai sydd mewn dyled i dalu’r hyn sydd arnynt.

Cyfarwyddiaethau’r Grŵp Gwasanaeth i Gwsmeriaid

Gweithrediadau Treth Busnes a Thollau

Cyfarwyddwr: Andrew McConnell (dirprwy dros dro)

Yn rheoli ystod amrywiol o waith gweithredol, gan gynnwys gwaith TAW, trethi stamp, elusennau, cynilion a buddsoddiadau, Treth Gorfforaeth, tollau a masnach ryngwladol, ac ecséis.

Gweithrediadau Treth Bersonol

Cyfarwyddwr: Richard West

Yn helpu cwsmeriaid, asiantau a chyflogwyr gyda’u cwestiynau ynghylch Yswiriant Gwladol, Talu Wrth Ennill (TWE) a Hunanasesiad, ac yn rhoi help ychwanegol i’r cwsmeriaid sydd ei angen.

Rheoli Dyledion

Cyfarwyddwr: Sue Young

Yn gyfrifol am gasglu taliadau dyledion, yn rhoi cyfrif am dollau treth a rhwymedigaethau eraill, ac yn sicrhau bod datganiadau a thaliadau hwyr yn dod i law.

Gweithrediadau Budd-daliadau a Chredydau

Cyfarwyddwr: Tamsin Woodeson

Yn gyfrifol am y ddarpariaeth o ofal plant sy’n rhydd o dreth a Budd-dal Plant, ac yn cyd-weithio â’r Adran Gwaith a Phensiynau i reoli’r trosglwyddiad o gredydau treth i Gredyd Cynhwysol.

Rhagoriaeth Weithredol

Cyfarwyddwr: Richard Hawthorn

Yn gyfrifol am brosesau gweithredol a data ar gyfer mathau gwahanol o dreth, yn sicrhau effeithiolrwydd ac yn datrys problemau sy’n ymwneud â phrosesau. Perchnogion Gwasanaeth Busnesau ar gyfer prif wasanaethau cyfathrebu â chwsmeriaid CThEF.

Gwasanaeth Strategaeth a Newid ar gyfer Cwsmeriaid

Cyfarwyddwyr: Richard Forster a Mike Beddington

Yn sbarduno gwelliannau ar draws gwasanaethau cwsmeriaid ac yn helpu’r adrannau gweithredol. Mae hyn, yn ei dro, yn galluogi cydweithwyr i ddarparu gwasanaeth gwell mewn ffordd fwy effeithlon. Yn chwarae rhan hollbwysig wrth gyflawni blaenoriaethau CThEF.

Cyllid, Cynllunio a Pherfformiad

Cyfarwyddwr: Steve Long (dirprwy dros dro)

Yn datblygu rhagolygon sy’n dangos llwythi gwaith a’r galw am y gwaith hwn, ac yn rhannu data ac adborth sy’n dod o gwsmeriaid. Yn helpu o ran y gwaith datblygu, yn monitro perfformiad a chynlluniau ar gyfer y dyfodol, ac yn rhoi rheolaeth gyllid gadarn i’r Grŵp Gwasanaeth i Gwsmeriaid.

Grŵp Cydymffurfiad Cwsmeriaid

Cyfarwyddwr Cyffredinol: Penny Ciniewicz

Yn sicrhau bod y dreth gywir yn cael ei thalu, ac yn cymryd camau pan na fydd hyn yn digwydd.

Cyfarwyddiaethau’r Grŵp Cydymffurfiad Cwsmeriaid

Gweithrediadau Cydymffurfio

Cyfarwyddwr: Janet Alexander

Yn arwain ar broffesiynoldeb, profiad y cwsmer, ac yn datblygu’r hyn y gall y gwasanaeth sifil ei wneud o ran cydymffurfiad, gan gynnwys cynllunio adnoddau a recriwtio ar gyfer y Grŵp Cydymffurfiad Cwsmeriaid. Yn chwarae rôl allweddol yng ngwaith rheoli perfformiad a chynllunio gweithredol y CCG, yn ogystal â rheolaethau a dyluniadau’r risgiau cydymffurfio mwyaf arwyddocaol.

Cyflawni Strategaeth Cydymffurfio

Cyfarwyddwr: Chris Southworth

Yn diffinio strategaeth cydymffurfio ar draws CThEF, yn cefnogi penderfyniadau (ar sail tystiolaeth) sy’n ymwneud â gweithgarwch cydymffurfio, ac yn datblygu mesurau er mwyn mynd i’r afael â risgiau a’r bwlch treth ar draws polisïau, ac yn rhoi’r newidiadau hyn ar waith.

Gwrth-Arbed

Cyfarwyddwr: Jonathan Smith

Yn gyfrifol am ymyriadau cydymffurfio i gynlluniau arbed treth sydd wedi’u marchnata ar gyfer y farchnad dorfol, ac yn mynd i’r afael â’r rheiny sy’n hyrwyddo ac yn galluogi cynlluniau arbed treth, yn ogystal â chydymffurfiad ehangach asiantau. Yn datblygu polisïau er mwyn atal cynlluniau arbed treth rhag cael eu hyrwyddo.

Gwasanaeth Ymchwilio i Dwyll

Cyfarwyddwr: Richard Las

Yn gyfrifol am ymchwiliadau sifil ac ymchwiliadau troseddol CThEF i dwyll difrifol, yn defnyddio ystod lawn o bwerau (gan gynnwys cyfrifoldebau goruchwyliwr o dan Reoliadau Gwyngalchu Arian) er mwyn diogelu cyllid ar gyfer gwasanaethau cyhoeddus y DU.

Cydymffurfiad Unigolion a Busnesau Bach

Cyfarwyddwr: Marc Gill

Yn rheoli risgiau cydymffurfio ar draws y prif drethi a thollau, yn mynd i’r afael â’r economi gudd, yn hwyluso masnach ryngwladol ac yn gorfodi’r Isafswm Cyflog Cenedlaethol.

Busnesau Mawr

Cyfarwyddwr: Nicole Newbury

Yn gweithredu rhwydwaith o Reolwyr Cydymffurfiad Cwsmeriaid sy’n canolbwyntio ar reoli risgiau cydymffurfio ar draws busnesau mwyaf y DU, o ran maint a chymhlethdod.

Gwasanaethau Risg a Chudd-wybodaeth

Cyfarwyddwr: Andy Leggett

Yn chwarae rôl graidd o ran gweithgarwch gorfodi a chydymffurfio, a hynny drwy alluogi CThEF i ddeall, i asesu ac i reoli risgiau ar draws y system dreth drwy gasglu gwybodaeth a dadansoddi data.

Trawsnewid

Cyfarwyddwr: Ann Conway-Hughes

Yn sbarduno newidiadau (sy’n ymwneud â budd-daliadau) i weithgarwch cydymffurfio ar draws y Grŵp Cydymffurfiad Cwsmeriaid, ac yn hwyluso’r drefn o ran gwneud gwaith cydymffurfio a chyflenwi newid o raglenni ehangach CThEF, gan sicrhau bod yr arferion gorau yn cael eu rhannu a’u rhoi ar waith.

Cydymffurfiad Unigolion Cyfoethog a Busnesau o Faint Canolig

Cyfarwyddwr: Philippa Madelin

Yn canolbwyntio ar unigolion cyfoethog, busnesau o faint canolig, cyrff cyhoeddus, ymddiriedolaethau ac elusennau. Mae hefyd yn delio â risgiau o ran statws cyflogaeth a chyfryngwyr, Treth Etifeddiant, a chymhellion a rhyddhadau amrywiol.

Cyllid a Chynllunio

Cyfarwyddwr: Francesca Roberts

Yn arbenigwr o ran gwneud gwaith cynllunio ar gyfer y busnes, rheoli risg, sicrwydd, gwaith ‘parhad busnes’ a diogelwch ar gyfer y Grŵp Cydymffurfiad Cwsmeriaid, ac yn cefnogi rheolaeth ariannol a rheolaeth perfformiad drwy ddarparu data a gwasanaethau cyfrifyddu.

Grŵp Strategaeth a Chynllunio Treth ar gyfer Cwsmeriaid

Cyfarwyddwr Cyffredinol: Jonathan Athow

Yn datblygu ac yn cyflawni diwygiadau i bolisïau system dreth y DU er mwyn cefnogi blaenoriaethau’r Llywodraeth. Mae’r gwaith hwn yn seiliedig ar waith dadansoddi, adborth o safon uchel gan gwsmeriaid, a thrwy gyd-weithio’n agos gyda Thrysorlys EF.

Cyfarwyddiaethau Strategaeth a Chynllunio Treth ar gyfer Cwsmeriaid

Strategaethau CThEF

Cyfarwyddwr: Lucy Pink

Yn arwain ar benderfynu cyfeiriad strategol CThEF, ac yn sicrhau bod y cyfeiriad strategol hwn yn cyd-fynd â’n nod o fod yn adran dreth a thollau sy’n fodern, ac y mae pobl yn ymddiried ynddi.

Dadansoddi Gwybodaeth a Chudd-wybodaeth

Cyfarwyddwyr: Jane Whittaker ac Adrian Richards

Yn darparu dadansoddiadau, ymchwil ac ystadegau er mwyn llywio polisïau a phenderfyniadau ynghylch gwaith gweithredol, rhagolygon cyllidol ac adroddiadau CThEF, a dadansoddiadau traws-lywodraethol.

Cyfryngwyr

Cyfarwyddwr: Rob Jones

Yn gweithredu fel catalydd i sbarduno CThEF i newid ei ddull o gyfryngu’r system dreth, codi safonau a gwella cydymffurfiad, effeithlonrwydd, a phrofiad y cwsmer.

Pontio Polisi Strategol a Chyflawni

Cyfarwyddwr: Rosalind Kay

Yn gweithio ar draws CThEF, gydag adrannau eraill o’r llywodraeth yn ogystal â’r gweinyddiaethau datganoledig, er mwyn datblygu polisïau mewn ffordd strategol ac i gydlynu’r polisïau hyn. Yn goruchwylio digwyddiadau cyllidol, yn cyflwyno’r newidiadau i bolisïau ac yn sbarduno i’w gwella.

Gweinyddu Trethi

Cyfarwyddwr: Paul Riley

Yn gyfrifol am ddatblygu a chynnal a chadw fframwaith deddfwriaethol a pholisïau at ddiben gweinyddu trethi mewn ffordd effeithlon, ac yn darparu arweiniad a chyngor technegol er mwyn cynnal y fframwaith hwn.

Materion Busnes, Asedion a Rhyngwladol

Cyfarwyddwr: Jon Sherman

Yn darparu goruchwyliaeth ar bolisïau a materion technegol sy’n ymwneud â busnesau, asedion (Treth Enillion Cyfalaf, Treth Etifeddiant a threthi stamp) ac ymddiriedolaethau sy’n cael eu trethi’n uniongyrchol, ac yn cyflawni ar waith o ran treth ryngwladol ac ymrwymiadau o ran tryloywder.

Treth Anuniongyrchol

Cyfarwyddwr: Rachel Nixon

Yn darparu goruchwyliaeth ar bolisïau a materion technegol sy’n ymwneud â TAW, Treth Premiwm Yswiriant, trethi trafnidiaeth ac amgylcheddol, tollau ecséis a hapchwarae.

Cyfarwyddiaeth Polisi Unigolion

Cyfarwyddwr: Cerys McDonald

Yn darparu goruchwyliaeth ar bolisïau a thechnoleg sy’n ymwneud â threthi a budd-daliadau sy’n cael effaith ar gwsmeriaid unigol.

Cyllid, Cynllunio, Perfformio a Risg

Cyfarwyddwr: Theresa Knowles

Yn goruchwylio gweithrediadau corfforaethol, gan gynnwys gwaith cynllunio i’r busnes, dyrannu adnoddau, rheoli ariannol, monitro perfformiad, rheoli risg a gwirio bod mesurau sicrwydd a rheolaethau priodol ar waith.

Newid a Chydweithio Corfforaethol a Strategol

Arweinydd: Andy O’Loughlin

Rydym yn galluogi CSTD i wreiddio Gweithio Hybrid a chyflawni Cynllunio Gweithlu Strategol, ac ar yr un pryd rydym yn cefnogi Diogelwch, Newid, Rheoli Busnes a gweledigaeth 5 mlynedd CSTD.

Adnoddau Dynol

Cyfarwyddwr: Dan Coughlin

Yn rhoi cyngor ynghylch Adnoddau Dynol i’r grŵp busnes.

Grŵp y Prif Swyddog Pobl

Prif Swyddog Pobl: Helen Pickles

Yn datblygu ac yn darparu goruchwyliaeth wrth i bolisïau AD CThEF (i wneud CThEF yn lle gwych i weithio) gael eu rhoi ar waith, gyda chyfrifoldeb cyffredinol am gynllunio’r gweithlu, recriwtio, rheoli talent a gweithgareddau dysgu.

Cyfarwyddiaethau’r Prif Swyddog Pobl

Caffael Talent a Dysgu dros dro

Cyfarwyddwr: Nicky Pattimore

Yn gyfrifol am strategaeth a thrawsnewid CThEF o ran dysgu, ac yn arwain ar gaffael talent gan gynnwys recriwtio gweithredol a llafur wrth gefn.

Trawsnewid y Gweithle a Phartneriaethau

Cyfarwyddwr: Kate Tilley

Pennaeth y proffesiwn AD ac yn gyfrifol am alluogi CThEF i drawsnewid y sefydliad a’r gweithlu ar gyfer y dyfodol, a hynny drwy broses o ddylunio o ran y sefydliad a’r gweithlu, effeithiolrwydd sefydliadol, datblygu a gweithredu strategaeth pobl CThEF, a chynllunio’r gweithlu mewn ffordd strategol.

Partneriaid Busnes

Cyfarwyddwr: Simon Fryer

Yn arwain Cyfarwyddwyr AD a thimau Partneriaid Busnes AD wrth iddynt gefnogi Grwpiau’r Busnes a’r Gwasanaeth Cynghori Arbenigol, ein swyddogaeth sy’n cefnogi’r gwaith achos AD.

Gwasanaethau Cynllunio ar gyfer Cwsmeriaid

Cyfarwyddwr: Bobby Chatterjee

Mae’r Gwasanaethau Cynllunio ar gyfer Cwsmeriaid yn arwain ar ddarparu ystod ehangach o wasanaethau arbenigol sy’n creu fframwaith effeithlon a chynhwysol o gyflogai ar gyfer CThEF. Mae ein portffolio yn cwmpasu Polisi Cyflogai, Cysylltiadau â Chyflogai a Gwobrwyo, yn ogystal ag Amrywiaeth a Chynhwysiant Cydraddoldeb gan gynnwys Iechyd a Diogelwch, Llesiant, a Diogelwch Corfforaethol.

Grŵp y Prif Swyddog Cyllid

Yn cynnwys ein swyddogaeth fasnachol ac ariannol, yn ogystal ag ystadau, cyllid, AD a gwasanaethau bancio y darperir i CThEF ac adrannau eraill o’r llywodraeth.

Prif Swyddog Cyllid: Justin Holliday

Cyfarwyddiaethau’r Prif Swyddog Cyllid

Newid, Sicrwydd a Buddsoddiad

Cyfarwyddwr: Mike Shipp

Yn gyfrifol am roi sicrwydd annibynnol o’r ffordd y mae CThEF yn cyflawni newid ac yn gwneud penderfyniadau o ran buddsoddi.

Masnachol

Cyfarwyddwyr: John Hayes, Andrew Wilson

Yn gyfrifol am yr holl drefniadau masnachol, gan weithio mewn partneriaeth â pherchnogion contractau ledled CThEF i sicrhau gwell canlyniadau drwy ein cyflenwyr, sicrhau gwerth am arian, galluogi arloesedd a chreu cyfleoedd ar gyfer Gwerth Cymdeithasol.

Strategaeth a Pherfformiad Ariannol

Cyfarwyddwr: Ian Clarke

Yn gyfrifol am gynllunio, monitro, ac adrodd ar berfformiad a’r sefyllfa ariannol yn gyffredinol sydd wrth wraidd yr hyn y mae CThEF yn ei gyflawni.

Rhaglen Unity

Cyfarwyddwr: Cath Rollo

Yn gyfrifol am y Rhaglen Unity a fydd yn cyflawni swyddogaeth o Gydwasanaethau AD a Chyllid gan ddefnyddio technoleg a phrosesau newydd i gefnogi CThEF, y Weinyddiaeth Dai, Cymunedau a Llywodraeth Leol o fis Mehefin 2024 ymlaen.

Archwilio Mewnol

Cyfarwyddwr: Tim Addison

Yn darparu sicrwydd annibynnol i’r Prif Weithredwr drwy nodi bod y prosesau rheoli risg, llywodraethu a rheolaeth fewnol yn gweithredu mewn ffordd effeithiol ac effeithlon, a hynny er mwyn helpu i ddiogelu enw da CThEF.

Gwasanaethau Busnes Unity

Cyfarwyddwr: Toni Court

Yn gyfrifol am ddarparu cyswllt a gwasanaethau cymorth o ran caffael, cyllid ac AD gweithrediadol o safon uchel i holl gyflogeion CThEF, yr Adran Drafnidiaeth ac Asiantaeth y Swyddfa Brisio (y VOA).

Cyfrifyddu Ariannol, Risg a Rheoli

Cyfarwyddwr: Alison Bexfield

Yn gyfrifol am roi cyfrif am holl weithgarwch CThEF wrth wneud yn siŵr bod risgiau adrannol yn cael eu rheoli, bod rheolaethau effeithiol ar waith, a bod ein systemau ariannol wedi’u hachredu.

Rhaglen Ystadau a Lleoliadau

Cyfarwyddwr: Louis Roberts

Yn gyfrifol am ddarparu gweithleoedd arbenigol a swyddfeydd cynhwysol, sy’n fodern, diogel ac o safon uchel i gydweithwyr yn CThEF ac adrannau eraill o’r llywodraeth.

Cyfarwyddwr: Colin Cassé

Yn gyfrifol am gyflawni Rhaglen Lleoliadau CThEF.

Grŵp y Prif Swyddog Gwybodaeth a Gwasanaethau Digidol (CDIO)

Prif Swyddog Gwybodaeth a Gwasanaethau Digidol: Daljit Rehal

Yn cynllunio, datblygu, ac yn rhedeg gwasanaethau digidol a gwasanaethau gwybodaeth ar gyfer ein pobl a’n cwsmeriaid, tra bydd yn sicrhau ein bod yn cadw data mewn ffordd sy’n ddiogel ac yn bodloni gofynion cyfreithiol.

Cyfarwyddiaethau’r Prif Swyddog Gwybodaeth a Gwasanaethau Digidol

Cyfarwyddwr Cyllid

Cyfarwyddwr Cyllid: David Swainston

Yn gyfrifol am gymryd cyfrifoldeb am Fframwaith Llywodraethu CDIO, a’i ddatblygu, gan sicrhau bod penderfyniadau’n cael eu gwneud ar sail y data sydd ar gael; datblygu ac olrhain achosion busnes cadarn, ac optimeiddio rheolaeth ariannol CDIO. Yn gyfrifol am wella Model gweithredu CDIO yn barhaus, a sicrhau bod perthynas strategol (cwsmer a chyflenwr) a gweithgareddau rheoli portffolio yn darparu’r gwerth mwyaf posibl i CThEF.

Prif Beiriannydd a Pherchennog Platfformau

Cyfarwyddwr Peirianneg a Phlatfformau: David Andrews

Yn gyfrifol am osod cyfeiriad a strategaeth ar gyfer y ddarpariaeth o blatfformau i fodloni anghenion gwasanaethau a chynhyrchion y busnes. Yn goruchwylio rheolaeth o blatfformau ac yn gosod ffiniau gwarchodol ar gyfer eu defnydd, gan fod yn gyfrifol am wneud yn siŵr bod unrhyw beth sy’n mynd yn fyw yn bodloni’r safonau gofynnol. Yn berchen ar holl raglenni a phlatfformau ar gyfer diogelwch, gwytnwch, at ddibenion ansawdd data, ac yn gyfrifol am wneud yn siŵr bod yr holl blatfformau’n cael eu diweddaru’n aml.

Cyfarwyddwr y Brif Swyddfa Technoleg a Chynllunio

Cyfarwyddwr y Brif Swyddfa Technoleg a Chynllunio: Tom Skalycz

Yn gyfrifol am y diffiniad o strategaeth TG, llunio cynlluniau a modelau a fydd yn galluogi platfformau a chynhyrchion i esblygu drwy ddatrysiadau TG. Yn sbarduno arloesedd ar draws adrannau technoleg CThEF.

Diogelwch CThEF

Prif Swyddog Diogelwch: Kelly Paterson

Yn gyfrifol am ddatblygu strategaeth ddiogelwch CThEF a rhoi gweithdrefnau a rheolaethau diogelwch ar waith sy’n cydymffurfio â gofynion cyfreithiol a rheoliadol, yn ogystal â dangos arfer da.

Prif Swyddog Gwybodaeth ar gyfer Ffiniau a Masnach

Prif Swyddog Gwybodaeth ar gyfer Ffiniau a Masnach: Nicolas Bourven

Yn gyfrifol am ddarparu’r dechnoleg ar gyfer gwaith Ffiniau a Masnach, ar draws y llywodraeth, a fydd yn datblygu strategaeth 2025 i gefnogi agenda uchelgeisiol y llywodraeth o ran sefydlu ymgyrch Ffiniau a Masnach yn y DU o’r radd flaenaf.

Cyfarwyddwr AD, CDIO

Cyfarwyddwr AD, CDIO: Breda O’Connor

Yn gyfrifol am, ac yn datblygu, Cynllun Gweithlu Strategol y CDIO, gan weithio’n agos gyda’r Prif Swyddog Gweithredu i sicrhau bod yr ymyriadau cywir ar waith er mwyn cynyddu gallu pawb yn barhaus.

Pennaeth Unity, Cyfarwyddwr Technoleg

Pennaeth Unity, Cyfarwyddwr Technoleg: Simon Smith

Yn gyfrifol am ddarparu cydrannau technegol y Saernïaeth Targed Unity ac yn cefnogi’r gwasanaeth ehangach. Yn berchen ac yn rheoli’r dechnoleg, yn gwneud gwaith adeiladu a gweithredu cysylltiedig, yn cyd-weithio â swyddogaethau CDIO eraill.

Prif Berchennog Cynhyrchion

Prif Berchennog Cynhyrchion: Sarah McMann

Yn atebol am ddatblygu a darparu gwasanaethau a chynhyrchion gan ddefnyddio cyfluniad o alluoedd presennol, strategaeth API a thrwy integreiddio gallu’r platfform. Yn datblygu cynhyrchion yn unol â’r cyfarwyddiadau a strategaeth y cytunwyd arnynt.

Prif Swyddog Data

Prif Swyddog Data: Aydin Sheibani

Yn atebol am y gwaith strategaeth ddata, llywodraethu, rheoli a chyflawni gwaith datrysiadau data, a hynny ar draws yr holl fenter. Yn datblygu gallu CThEF o ran gwyddor data, gan sicrhau ei fod wedi’i ymgorffori yn ein cylch bywyd datblygu.

Grŵp Cyfreithiol CThEF

Cwnsler Cyffredinol a Chyfarwyddwr Cyffredinol: Alan Evans

Darparu gwasanaethau cyfreithiol i CThEF.

Cyfarwyddiaethau’r Gwasanaethau Cyfreithiol

Ymgyfreitha

Cyfarwyddwr: Samantha Pullin

Yn gyfrifol am ymgyfreitha gan CThEF.

Cyfarwyddiaeth Adolygiadau a Gwasanaethau Corfforaethol

Cyfarwyddwr: Mark Wilson

Yn cynnal adolygiadau statudol (penderfyniadau o ran cosbau/cydymffurfio) ac yn rheoli gohebiaeth weinidogol, ceisiadau Rhyddid Gwybodaeth/ceisiadau gwrthrych am wybodaeth, cwestiynau seneddol a thrawsnewid. Yn darparu gwasanaethau cyfrifyddu ac ansolfedd i CThEF.

Ymgynghorwyr Treth Busnes a Chyfraith Ryngwladol

Cyfarwyddwr: John Evans

Yn darparu cyngor cyfreithiol i CThEF, ac yn llunio deddfwriaeth ar ei gyfer, sy’n cwmpasu’r holl drethi busnes, trethi amgylcheddol, ardrethi busnes, gwybodaeth gyfreithiol, tollau ac ecséis, masnach Ewropeaidd a masnach ryngwladol.

Ymgynghorwyr Cyfreithiol Unigolion a Chroestoriadau

Cyfarwyddwr: Jo Greenidge

Yn darparu cyngor cyfreithiol i CThEF, ac yn llunio deddfwriaeth ar ei gyfer, ar drethi personol, budd-daliadau a chredydau, gwrth-arbed, materion troseddol a masnachol.

Grŵp Ffiniau a Masnach

Cyfarwyddwr Cyffredinol: Carol Bristow

Yn cefnogi masnach ryngwladol y DU a’r casgliad o drethi a thollau ar fewnforion, ac yn gweithio’n agos gyda Llu’r Ffiniau ar ran y Swyddfa Gartref.

Cyfarwyddiaethau Ffiniau a Masnach

Polisi a Strategaeth Tollau

Cyfarwyddwr: Alex Pienaar

Yn gyfrifol am ddatblygu polisïau, rhoi’r datblygiadau hyn ar waith, cynnal a chadw a gwella cyfundrefn dollau’r DU, a hynny’n unol â blaenoriaethau’r llywodraeth ac amcanion gweinidogol.

Newid yn sgil Ffiniau

Cyfarwyddwr: Sarah Hartley

Yn cefnogi uchelgais y llywodraeth o ran sefydlu ymgyrch Ffiniau a Masnach yn y DU o’r radd flaenaf, a hynny drwy ddarparu un platfform tollau yn y DU, gwneud gwelliannau i reolaethau tollau, a sicrhau bod yr ymrwymiadau o ran cludo yn cael eu bodloni.

Gwasanaethau Wrth y Ffin, Data a Dylunio

Cyfarwyddwr: Gill Evans

Yn canolbwyntio ar wella’r gwasanaethau wrth y ffin (o’r dechrau i’r diwedd) drwy fynegi’r hyn y mae CThEF yn cynnig i gwsmeriaid a’i werthoedd mewn ffordd glir, ac yn datblygu dewisiadau dylunio (sy’n seiliedig ar dystiolaeth) i wella perfformiad a chydymffurfiad cwsmeriaid.

Cynllunio Strategol ar gyfer Cwsmeriaid a Seilwaith

Cyfarwyddwr: Claire Dartington

Yn gyfrifol am friffio gweinidogol a seneddol ynghylch materion CThEF sy’n ymwneud â’r ffiniau, rheoli cwsmeriaid y gadwyn gyflenwi mewn ffordd strategol, darparu’r gallu i ailasesu cyfleusterau mewndirol wrth y ffin presennol y DU a datblygu rhai newydd.

Rhaglen Ffiniau a Masnach a Chyflawni Gweithredol

Cyfarwyddwr: Julie Etheridge

Yn darparu’r gallu i fusnesau Gogledd Iwerddon gael mynediad at farchnad agored y DU. Yn gyfrifol am gyfleusterau mewndirol wrth y ffin, porthladdoedd rhydd, cydlynu Nawdd Cymdeithasol a’r Fframwaith Windsor.

Grŵp Cyflawni Newid

Cyfarwyddwr Cyffredinol: Suzanne Newton

Yn rheoli portffolio newid CThEF ac yn arwain ar rai o’r rhaglenni newid mwyaf, o ran maint a chymhlethdod.

Cyfarwyddiaethau’r Grŵp Cyflawni Newid

Rhaglenni Trawsnewid Digidol

Cyfarwyddwr: Jade Ackers

Yn gyfrifol am ddarparu un profiad digidol i gwsmeriaid ar draws y we, a sianelu symudol, drwy integreiddio a gwella’r gwasanaethau sydd ar gael ar hyn o bryd o fewn Cyfrifon Treth Personol a Chyfrifon Treth Busnes, a hynny er mwyn cynyddu nifer y cwsmeriaid a gwmpesir.

Ffenestr Masnach Sengl

Cyfarwyddwr: Max Hacon

Yn cydweithio gydag arbenigwyr o fasnach a diwydiant i ddylunio porth digidol rhwng busnesau a systemau Ffiniau’r DU a fydd yn galluogi defnyddwyr i fodloni eu hymrwymiadau o ran mewnforio, allforio a chludo.

Rhaglen Troi Treth yn Ddigidol

Cyfarwyddwr: Craig Ogilvie

Yn ceisio lleihau’r bwlch treth drwy ei gwneud yn ofynnol i gwsmeriaid gadw cofnodion digidol, defnyddio meddalwedd sy’n cydweddu â’r cynllun Troi Treth yn Ddigidol, a chyflwyno diweddariadau bob chwarter, yn y gobaith y bydd hyn yn dod â’r system dreth yn agosach at fod yn amser real.

Rhaglenni Technoleg

Cyfarwyddwr: Paul Williams

Yn gyfrifol am gyflawni clwstwr o raglenni (sydd â sail dechnolegol) yn llwyddiannus, a fydd yn gwella iechyd technegol, trwsio hen systemau, a diweddaru technoleg sy’n heneiddio.

Rhaglenni Busnes a Pholisi

Cyfarwyddwr: Pete Walsh

Yn gyfrifol am arwain clwstwr o brosiectau yn CThEF a rhaglenni a fydd yn allweddol i gyflawni agenda treth y llywodraeth a strategaeth yr adran o ran gweinyddu trethi.

Grŵp Trawsnewid Menter

Cyfarwyddwr Cyffredinol: James Mitton

Yn cefnogi CThEF i greu busnes digidol effeithiol sy’n darparu profiad gwell i gydweithwyr a chwsmeriaid, tra bydd hefyd yn lleihau’r bwlch treth trwy drawsnewid ar draws y menter cyfan.

Cyfarwyddiaethau’r Grŵp Trawsnewid Menter

Saernïaeth Fusnes

Cyfarwyddwr: Emma Court

Yn gyfrifol am ddiffinio’r newidiadau gofynnol i gefnogi cyfnod pontio CThEF yn unol â’i strategaeth.

Cwsmeriaid, Dylunio a Phroses

Cyfarwyddwr: Claire Walsh

Yn gyfrifol am gynrychioli llais y cwsmer wrth ddylanwadu ar benderfyniadau o ran polisi a dyluniad y cynhyrchion a’r gwasanaethau fel y byddant yn adlewyrchu mewnwelediad gan gwsmeriaid.

Rheoli Portffolio

Cyfarwyddwr: Oliver Fisher

Yn gyfrifol am optimeiddio’r broses o ddyrannu cyllid i newid mentrau, gan sicrhau bod CThEF yn cyflawni ei strategaeth ac yn cyflawni blaenoriaethau’r llywodraeth, gan sylweddoli’r buddion ar gyfer ein pobl, ein gwaith a’n cwsmeriaid.

Arweiniad a Gohebiaeth CThEF

Cyfarwyddwr: Andrew Pemberton

Yn rhoi cyngor, cymorth a gwasanaethau gohebu i CThEF, yn ogystal â darparu a gwella arweiniad CThEF i gydweithwyr a chwsmeriaid. Yn ymgorffori Tîm Cynaladwyedd CThEF hefyd.

Asiantaeth y Swyddfa Brisio

Prif Weithredwr: Jonathan Russell CB

Mae Asiantaeth y Swyddfa Brisio yn asiantaeth weithredol sy’n cael ei noddi gan Gyllid a Thollau EF.

Cyfarwyddiaethau Asiantaeth y Swyddfa Brisio

Prif Brisiwr

Prif Brisiwr: Alan Colston

Yn darparu cyngor technegol a chyngor o ran prisio, yn hyrwyddo a sicrhau safonau proffesiynol, cysondeb, gwrthrychedd a thryloywder i ddarparu prisiadau dibynadwy o eiddo fel rhan o’i swydd fel Pennaeth y Proffesiwn Syrfeio gyda’r VOA . Mae hefyd yn Uwch-swyddog Cyfrifol ar gyfer y Rhaglen Trawsnewid Systemau Busnesau.

Grŵp Gwasanaethau Corfforaethol

Grŵp Gwasanaethau Corfforaethol: Toby Nerval

Yn gyfrifol am Gyllid, Perfformiad, Llywodraethiant, Adnoddau Dynol ac Ystâd Asiantaeth y Swyddfa Brisio.

Prif Swyddog Gweithredu

Prif Swyddog Gweithredu: Paula Dixon

Yn gyfrifol am gyflawni gweithredol ledled y VOA o fewn 4 Uned Brisio Ranbarthol, 3 Canolfan Gwasanaeth Cwsmeriaid, y Tîm Treth Gyngor Genedlaethol, y Gyfarwyddiaeth Rhagoriaeth Weithredol a’r Gyfarwyddiaeth Darparu Gwasanaethau.

Strategaeth a Thrawsnewid

Prif Swyddog Strategaeth a Thrawsnewid: Carolyn Bartlett

Yn gyfrifol am strategaeth, polisi, trawsnewid, gwybodaeth, data a dadansoddi. Uwch-swyddog Cyfrifol ar gyfer rhaglen Diwygio Ardrethu Annomestig (Ardrethi Busnes).