Canllawiau

Cynllun hwyluso allforion cyfunol: hysbysiad preifatrwydd

Diweddarwyd 26 Mawrth 2024

Pwy sy’n casglu eich data personol

Adran yr Amgylchedd, Bwyd a Materion Gwledig (Defra) yw’r rheolydd data.

Mae Siarter Gwybodaeth Bersonol Defra ar gael yn.

Gallwch gysylltu â Swyddog Diogelu Data Defra yn: data.protection@defra.gov.uk.

Dylid anfon unrhyw gwestiynau am y ffordd rydym yn defnyddio eich data personol a’ch hawliau cysylltiedig i’r cyfeiriad uchod.

Bydd yr Asiantaeth Iechyd Anifeiliaid a Phlanhigion (APHA), sy’n un o Asiantaethau Gweithredol Defra, yn gallu defnyddio’r data hyn at ddibenion gweinyddu’r cynllun.

Pa ddata a gesglir gennym

Y data personol rydym yn eu casglu gennych yw eich:

• enw a’r cwmni rydych yn ei gynrychioli
• rhif ffôn
• cyfeiriad e-bost

Pam mae angen eich data arnom

Rydych yn gwneud cais ar ran y cwmni rydych yn ei gynrychioli i ymuno â’r Cynllun Hwyluso Allforion Cyfunol. Mae angen eich manylion cyswllt arnom er mwyn i ni allu prosesu’r cais a gweinyddu aelodaeth eich cwmni o’r Cynllun.

Ein sail gyfreithiol dros brosesu eich data

Am eich bod yn gwneud cais yn wirfoddol i ymuno â’r Cynllun Hwyluso Allforion Cyfunol, ein sail gyfreithiol dros brosesu eich data mewn perthynas â’r Cynllun yw eich bod wedi rhoi caniatâd i ni wneud hynny.

A allaf dynnu fy nghaniatâd yn ôl?

Gallwch. Mae gennych yr hawl i dynnu eich caniatâd yn ôl unrhyw bryd drwy anfon neges e-bost atom sy’n nodi enw’r cwmni allforio, y rhif aelodaeth o’r Cynllun Hwyluso Allforion Cyfunol, eich enw a’r rheswm dros dynnu eich caniatâd yn ôl i GEFSteam@apha.gov.uk.

Beth fydd yn digwydd os byddaf yn tynnu’n ôl o’r cynllun?

Os byddwch yn gofyn am i’ch ffurflen gais gael ei dileu ac i’ch aelodaeth o’r Cynllun ddod i ben, yna ni fydd eich cwmni yn rhan o’r Cynllun Hwyluso Allforion Cyfunol mwyach. Fodd bynnag, os byddwch yn newid eich enw a’ch manylion cyswllt a ddarparwyd gennych gyda’ch cais, gallwn wneud y newid hwn a gall eich cwmni barhau i fod yn rhan o’r cynllun.

Beth byddwn yn ei wneud gyda’ch data

Byddwn yn defnyddio eich data yn y ffyrdd canlynol:

• er mwyn cadarnhau eich bod yn gymwys i fod yn aelod o’r Cynllun Hwyluso Allforion Cyfunol sy’n rhoi lefel ddigonol o hyder i Swyddogion Ardystio ac awdurdodau cymwys yng nghywirdeb yr Ardystiadau Cymorth a ddefnyddir yng nghanllawiau’r Cynllun Cyfunol
• sicrhau cydymffurfiaeth â thelerau ac amodau aelodaeth o’r Cynllun Hwyluso Allforion Cyfunol

Caiff y data a gasglwn eu rhannu ag APHA ac, o bosibl, ag adrannau eraill o’r llywodraeth, asiantaethau a chyrff cyhoeddus megis Safonau Masnach, Swyddogion Allanol ac Awdurdodau Lleol er mwyn sicrhau cydymffurfiaeth â thelerau ac amodau aelodaeth o’r Cynllun Hwyluso Allforion Cyfunol

Ni fyddwn yn:

• gwerthu nac yn rhentu eich data i drydydd partïon
• rhannu eich data â thrydydd partïon at ddibenion marchnata

Byddwn yn rhannu eich data os bydd yn ofynnol i ni wneud hynny yn ôl y gyfraith – er enghraifft, drwy orchymyn llys, neu er mwyn atal twyll neu drosedd arall.

Am faint o amser y byddwn yn cadw eich data

Byddwn ond yn cadw’ch data am gyhyd ag y:

• byddwch yn gweithredu fel llofnodai awdurdodedig y cwmni allforio
• bydd y Cynllun Hwyluso Allforion Cyfunol yn weithredol

Eich hawliau

Mae rhestr o’ch hawliau o dan y Rheoliad Cyffredinol ar Ddiogelu Data a Deddf Diogelu Data 2018 (Deddf 2018) i’w gweld yn.

Mae gennych yr hawl hefyd i gyflwyno cwyn i Swyddfa’r Comisiynydd Gwybodaeth (yr awdurdod goruchwylio) ar unrhyw adeg. Os byddwch yn dymuno arfer yr hawl honno, mae manylion llawn ar gael ar wefan y Comisiynydd Gwybodaeth.