Stori newyddion

Trethu eich cerbyd drwy Ddebyd Uniongyrchol

Mae Debyd Uniongyrchol yn cynnig ffyrdd mwy hyblyg o dalu eich treth cerbyd.

• Gan: Asiantaeth Trwyddedu Gyrwyr a Cherbydau
• Cyhoeddwyd: 5 Ionawr 2016

Gallwch dalu eich treth cerbyd drwy Ddebyd Uniongyrchol – naill ai ar-lein neu drwy fynd i Swyddfa’r Post sy’n delio â threth cerbyd.

Drwy ddewis Debyd Uniongyrchol, gallwch dalu:

• yn fisol
• pob 6 mis
• yn flynyddol

Bydd eich Debyd Uniongyrchol yn adnewyddu’n awtomatig pan fydd eich treth yn dod i ben.

Sut i sefydlu Debyd Uniongyrchol

Talu treth cerbyd drwy Ddebyd Uniongyrchol

Ar ôl i chi sefydlu eich Debyd Uniongyrchol

Bydd angen i chi wneud yn siŵr bod digon o arian yn eich cyfrif ar y dyddiad talu. Bydd taliadau yn cael eu cymryd ar ddiwrnod gwaith cyntaf y mis – ac eithrio’r taliad cyntaf, a all amrywio.

Os methwch chi daliad, byddwn yn ceisio eto o fewn 4 diwrnod gwaith. Caiff y Debyd Uniongyrchol ei ganslo os nad oes dal digon o arian.

Canslo

Byddwn yn canslo eich Debyd Uniongyrchol pan fyddwch chi’n gwneud datganiad HOS, neu’n gwerthu, sgrapio neu allforio eich cerbyd.

Rhagor o wybodaeth

Cael rhagor o wybodaeth am sefydlu, newid neu ganslo Debyd Uniongyrchol.

Cyhoeddwyd ar 5 Ionawr 2016