Diweddaru cofnodion eiddo pan fydd rhywun yn marw
Mae’r ffordd rydych yn diweddaru’r cofnodion eiddo pan fydd rhywun yn marw yn dibynnu a oedd yr unigolyn yn gydberchennog neu’n unig berchennog eiddo.
Ceir ffordd wahanol i ddiweddaru cofnodion eiddo pan fydd rhywun yn marw yn yr Alban ac i ddiweddaru cofnodion eiddo pan fydd rhywun yn marw yng Ngogledd Iwerddon.
Mae’r canllaw hwn hefyd ar gael yn Saesneg (English).
Edrychwch ar y cofnodion eiddo os nad ydych yn gwybod:
- pwy sy’n berchen ar eiddo
- a yw’n cael ei berchen ar y cyd neu’n unigol
Pan fydd cydberchennog yn marw
Pan fydd cydberchennog eiddo yn marw, llenwch ffurflen DJP i dynnu ei enw o’r gofrestr.
Anfonwch y ffurflen wedi ei llenwi, ynghyd â chopi swyddogol o’r dystysgrif marwolaeth, i Gofrestrfa Tir EF.
Pan fydd unig berchennog yn marw
Pan fydd unig berchennog eiddo wedi marw, caiff yr eiddo ei drosglwyddo fel arfer i naill ai:
- y person sy’n etifeddu’r eiddo (a elwir ‘y buddiolwr’)
- trydydd parti, er enghraifft rhywun sy’n prynu’r eiddo
Bydd angen tystiolaeth ychwanegol:
- os yw’r grant wedi ei gyfyngu mewn unrhyw ffordd, gall hyn fod os yw’r ysgutor a enwir yn blentyn o dan oed
- os yw’r cynrychiolydd personol wedi marw, neu wedi penodi atwrnai i weinyddu’r ystad ar ei ran
Os ydych yn trosglwyddo i fuddiolwr
Er mwyn trosglwyddo eiddo i fuddiolwr, lawrlwythwch a llenwch y ffurflenni canlynol:
- ‘Newid y gofrestr’ (a elwir weithiau’n ffurflen AP1)
- ‘Teitl cofrestredig cyfan: cydsynio’ (a elwir weithiau’n ffurflen AS1)
Rhaid ichi hefyd anfon:
- y gwreiddiol neu gopi swyddogol o’r grant profiant neu lythyrau gweinyddu a gyhoeddwyd yn y DU
- y dystysgrif Treth Tir Toll Stamp neu dystysgrif hunan-dystysgrif, neu Dystysgrif Trafodiadau Tir os gwerthwyd yr eiddo yng Nghymru ar neu ar ôl 1 Ebrill 2018 (os talwyd treth ar yr eiddo)
- ffi – edrychwch ar y cyfrifiannell ffïoedd
Rhaid i’r buddiolwr lenwi ‘Cadarnhau hunaniaeth: dinesydd’ (a elwir weithiau’n ffurflen ID1). Bydd yn rhaid ichi lenwi’r ffurflen hefyd os ydych yn trosglwyddo’r eiddo ac nid chi yw’r ysgutor.
Anfonwch yr holl ffurflenni wedi eu llenwi a’r dogfennau cefnogol i Gofrestrfa Tir EF.
Os ydych yn gwerthu’r eiddo i drydydd parti
Rhaid ichi:
- drosglwyddo perchnogaeth yr eiddo
- rhoi copi swyddogol o’r grant profiant neu lythyrau gweinyddu a gyhoeddwyd yn y DU i’r prynwr
Rhaid ichi hefyd anfon:
- y gwreiddiol neu gopi swyddogol o’r grant profiant (a gyhoeddwyd yn y DU) neu lythyrau gweinyddu
- y dystysgrif Treth Tir Toll Stamp neu dystysgrif hunan-dystysgrif, neu Dystysgrif Trafodiadau Tir os gwerthwyd yr eiddo yng Nghymru ar neu ar ôl 1 Ebrill 2018, os talwyd treth ar yr eiddo
- ffi – edrychwch ar y cyfrifiannell ffïoedd
Os oes gennych grant profiant tramor
Os ydych am ddiweddaru cofnodion eiddo a chael grant profiant neu rywbeth cyfwerth a gyhoeddwyd y tu allan i’r DU, bydd angen ichi wneud un o’r canlynol:
-
cael grant profiant tramor wedi ei ‘ailselio’ – darllen rhagor am ail-selio