Bonws Nadolig
Cymhwyster
I gael Bonws Nadolig, mae rhaid i chi fod yn bresennol neu ‘fel arfer yn preswylio’n’ y DU, Ynysoedd y Sianel, Ynys Manaw neu Gibraltar yn ystod yr wythnos gymhwyso.
Os ydych yn byw mewn gwlad Ardal Economaidd Ewropeaidd (AEE) neu’r Swistir neu’n symud iddi, darganfyddwch am fudd-daliadau i wladolion y DU yn yr UE, yr AEE a’r Swistir.
Mae rhaid i chi hefyd fod yn cael o leiaf un o’r budd-daliadau canlynol yn yr ‘wythnos gymhwyso’ - hwn fel arfer yw’r wythnos lawn cyntaf ym mis Rhagfyr:
- Taliad Anabledd i Oedolion
- Taliad Annibyniaeth y Lluoedd Arfog
- Lwfans Gweini
- Lwfans Gofalwr
- Taliad Cymorth i Ofalwyr
- Taliad Anabledd Plentyn
- Lwfans Gweini Parhaus (a delir o dan gynlluniau Anafiadau Diwydiannol neu Bensiwn Rhyfel)
- Lwfans Cyflogaeth a Chymorth yn seiliedig ar gyfraniadau (unwaith y byddwch wedi cyrraedd prif gyfnod y budd-dal ar ôl 13 wythnos gyntaf y cais)
- Lwfans Byw i’r Anabl
- Budd-dal Analluogrwydd ar y gyfradd hirdymor
- Budd-dal Marwolaeth Ddiwydiannol (i wŷr gweddw neu wragedd gweddw)
- Atodiad Symudedd
- Credyd Pensiwn - yr elfen warantu
- Taliad Annibyniaeth Personol (PIP)
- Pensiwn y Wladwriaeth (gan gynnwys Budd-dal Ymddeol Graddedig)
- Lwfans Anabledd Difrifol (wedi’i amddiffyn dros dro)
- Atodiad neu Lwfans i’r Anghyflogadwy (a delir o dan gynlluniau Anafiadau Diwydiannol neu Bensiwn Rhyfel)
- Pensiwn Anabledd Rhyfel ar oedran Pensiwn y Wladwriaeth
- Pensiwn Rhyfel Gwraig Weddw
- Lwfans Mam Weddw
- Lwfans Rhiant Gweddw
- Pensiwn Gwraig Weddw
Os nad ydych wedi hawlio eich Pensiwn y Wladwriaeth ac nad oes gennych hawl i un o’r budd-daliadau cymwys eraill, ni fyddwch yn cael Bonws Nadolig.